Əziz Gənclər!

Çox fərqli bir layihə ilə qarşınızdayıq🥳.
İngilis dili biliklərinizi əyləncəli və interaktiv formada inkişaf etdirmək istərdinizmi?

Elə isə “Spelling Bee” oyununda iştirak etməyə tələsin. Siz burada əylənməklə yanaşı ingilis dili biliklərinizi inkişaf etdirmə şansını əldə edəcəksiniz!

İngilis dilinin həm orfoqrafiyasını mənimsəmək, həm də sözlərin mənasını öz tərifi ilə qavramaq üçün həyata keçirilən bu layihənin əsas qaydaları aşağıdakılardır:

🐝 Layihə iştirakçılarının hər biri fərdi şəkildə mərhələlər üzrə növbə ilə yarışacaq;

🐝 İştirakçılara hər növbəti mərhələdə daha çətin sözlər səsləndirilərək təqdim olunacaq və iştirakçılar həmin sözləri hərbəhərf söyləyəcək;

🐝 İştirakçının verdiyi cavab yanlış olduğu halda məğlub hesab olunaraq növbəti mərhələyə keçid şansını itirəcək;

🐝 Oyunun gedişatı sadəcə 2 iştirakçının yarışacağı ana qədər eyni döngü ilə davam edəcək və son turda qalib müəyyənləşdirilərək mükafatlandırılacaq.

Layihə “İdeyanı Reallaşdır 2022” fərdi qrant müsabiqəsinin qalib layihələrindən biridir, Azərbaycan Respublikasının Gənclər Fondunun dəstəyi, Azərbaycan Respublikası Dövlət Miqrasiya Xidməti və “Miqrasiya Könüllüsü” İctimai Birliyinin birgə təşkilati dəstəyi ilə 2022-ci ilin "Dövlət qurumlarında könüllülük nominasiyası" üzrə “İlin Könüllüsü” Rauf Həsənovun rəhbərliyi altında keçiriləcəkdir.